செல்போன் விற்பனையில் இறங்கியது கூகுள்!
கணிணி உலகில் கலக்கிவரும் கூகுள் நிறுவனம் வாடிக்கையாளர்களை நேரடியாகச் சந்திக்கும் விதமாக, செல்போன் தயாரிப்பில் இறங்கியுள்ளது. அதன் தொடக்கமாக ‘நெக்சஸ் ஒன்’ என்ற புதிய தலைமுறை செல்போனை நேற்று அது விற்பனைக்குக் கொண்டுவந்தது.
வாடிக்கையாளர்களை நேரடியாகச் சென்று சேரும் விதத்தில் இதன் விற்பனை நடைமுறை இருக்கும் என்கிறார்கள். கூகுளின் இணையதள விளம்பர சேவை செல்போன்களிலும் தொடரும் போலிருக்கிறது. அமெரிக்காவில் உள்ள டச்சி டெலிகாம் நிறுவனத்துடன் (T-mobile) கூகுள் போட்டிருக்கும் ஒப்பந்தப்படி, கூகுள் நிறுவனத்தின் இணையதளம் மூலம் கூகுளின் புதிய செல்போனை வாங்கலாம்.
தொடுதிரை கொண்ட சூப்பர் போனான நெக்சஸ் ஒன் 130 கிராம் எடையும், 11.5 மில்லிமீட்டர் தடிமனும் கொண்டது. இதன் 3.7 அங்குல தொடுதிரையில், புதிய (OLED display technology) காட்சிப்படுத்தல் தொழில் நுட்பத்தின் உதவியுடன், ஆண்டிராய்ட் ஆபரேட்டிங் சிஸ்டத்துடன் 2.1 வர்ஷனில் காட்சிகளைக் காணமுடியும். 5 மெகா பிக்சல் கேமிரா மற்றும் பல புதிய நவீன வசதிகளோடு தன்னுடைய முதல் செல்போனை விற்பனைக்கு விட்டுள்ளது கூகுள்.
--
சாந்தி
God loves you because of who God is, not because of anything you did or
didn't do.
http://punnagaithesam.blogspot.com/ =============================
No comments:
Post a Comment